„მესამე ძალა-სტრატეგია აღმაშენებლის" ლიდერებმა და ისნის მაჟორიტარობის კანდიდატმა, თეონა ჭალიძემ ადგილობრივ მოსახლეობასთან შეხვედრა გამართეს.

როგორც პარტიაში აცხადებენ, ისნის ოლქში "მესამე ძალის" კანდიდატი უალტერნატივოა, რადგან ყველაზე კარგად იცნობს იქ არსებულ პრობლემებს.

თეონა ჭალიძის თქმით, მისი არჩევის შემთხვევაში მთავარი საზრუნავი სოციალური დაცვა გახდება.

„ჩემი პრიორიტეტი საკრებულოში მაჟორიტარი დეპუტატის ამპლუაში მუშაობისას იქნება სოციალური დაცვა. პირადად მე ისანში ვესაუბრები ყველა პარტიის მხარდამჭერს, რადგან ჩემთვის მნიშვნელოვანია თითოეული ამომრჩევლის მხარდაჭერა, რადგან მე უნდა ვიყო ყველა მოქალაქის პირადი დეპუტატი საკრებულოში, უნდა დავიცვა თითოეული მათგანის უფლებები და ინტერესები. შესაბამისად, პოლიტიკური ნიშნით არ ვანსხვავებ ადამიანებს. იმედი მაქვს ისანში მხარდაჭერას მოვიპოვებ, რომელიც საჭირო იქნება, რათა გავხდე ისნის საკრებულოს მაჟორიტარი დეპუტატი", - განაცხადა თეონა ჭალიძემ.