რუსეთის პრეზიდენტმა ვლადიმერ პუტინმა საპარლამენტო არჩევნები შეაფასა და განაცხადა, რომ არჩევნები ღიად წარიმართა. ეს განცხადება კრემლის ლიდერმა იმ პოლიტიკური პარტიების ლიდერებთან შეხვედრისას გააკეთა, რომლებიც მე-8 მოწვევის პარლამენტში შევიდნენ.

პუტინის თქმით, სათათბიროს შემადგენლობა რუსეთის მოქალაქეებმა განსაზღვრეს, რომლებმაც თავისი კონსტიტუციური, სუვერენული უფლება გამოიყენეს.

მანვე მმართველ პარტიას - „ერთიან რუსეთს“ არჩევნებში გამარჯვება მიულოცა და აღნიშნა, რომ პარტიამ თავისი ლიდერობა დაამტკიცა.

რუსეთში საპარლამენტო არჩევნები 17-19 სექტემბერს ჩატარდა.