აშშ-ში, მონტანას შტატში სამგზავრო მატარებლის რელსებიდან გადასვლის შედეგად სულ მცირე სამი ადამიანი გარდაიცვალა, ხოლო 50 კი დაშავდა. ამის შესახებ ინფორმაციას BBC ავრცელებს.
გავრცელებული ინფორმაციით, ტრანსპორტში დაახლოებით 141 მგზავრი და ეკიპაჟის 16 წევრი იმყოფებოდა.
შტატის სენატორი, სტივ დეინსი უბედურ შემთხვევას „ტვიტერზე“ ეხმაურება.
,,მადლიერი ვარ შემთხვევის ადგილიდან გადარჩენილი ადამიანების შესახებ ცნობების მიღების გამო და ვლოცულობ მასში მონაწილე ყველა ადამიანის უსაფრთხოებაზე“ , - წერს სენატორი.
აშშ -ს ტრანსპორტის უსაფრთხოების ეროვნულმა საბჭომ მომხდარ ინციდენტთან დაკავშირებით გამოძიება უკვე დაიწყო.