ოლაფ შოლცი კოალიციის შექმნას „მწვანეებთან“ და „თავისუფალ დემოკრატებთან“ გეგმავს

გერმანიის „სოციალ- დემოკრატების“ კანცლერობის კანდიდატი ოლაფ შოლცი აცხადებს, რომ ის კოალიციის შექმნას „მწვანეებთან“ და „თავისუფალ დემოკრატებთან“ გეგმავს.

მისივე თქმით, გერმანელებმა ხმა მისცეს ანგელა მერკელის კონსერვატიული ბლოკის ოპოზიციაში გადანაცვლებას.

„რასაც თქვენ ხედავთ, არის ძალიან გახარებული „სოციალ-დემოკრატიული პარტია“. ამომრჩეველმა ძალიან მკაფიოდ ისაუბრა: მათ გააძლიერეს სამი პარტია - „სოციალ -დემოკრატები“, „მწვანეები“ და „თავისუფალი დემოკრატები“- ამიტომ ეს არის ამ ქვეყნის მოქალაქეების მიერ მონიჭებული მკაფიო მანდატი: მომავალი მთავრობა ამ სამმა უნდა ჩამოაყალიბოს,“- აღნიშნა შოლცმა.

ცნობისათვის, გერმანიაში ჩატარებული საპარლამენტო არჩევნების წინასწარი შედეგების თანახმად, ხმების 25.7 %-ით მემარცხენე-ცენტრისტული „სოციალ-დემოკრატები“ ლიდერობენ, მეორე ადგილზეა მემარჯვენე-ცენტრისტული "ქრისტიან-დემოკრატიული კავშირის" და "ქრისტიან-სოციალური კავშირის" ბლოკი, რომელმაც არჩევნებში ხმების კი 24.1%-ი მოიპოვა, მათ მოჰყვებიან „მწვანეები“, ხმების 14.8% -ით და „თავისუფალი დემოკრატები“ - 11.5%-ით.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 18.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს