ისრაელის პრემიერ-მინისტრი ნაფტალი ბენეტი აცხადებს, რომ ირანმა ბირთვულ პროგრამაში ყველა „წითელი ხაზი“ გადაკვეთა და მან პირობა დადო, რომ ისრაელი არ დაუშვებს თეირანს ბირთვული იარაღი ჰქონდეს.
“ირანის ბირთვულმა პროგრამამ გადამწყვეტ მომენტს მიაღწია და ასევეა ჩვენი შემწყნარებლობაც. სიტყვები არ აჩერებს ცენტრიფუგების ტრიალს. ირანის ბირთვული იარაღის პროგრამა კრიტიკულ ეტაპზეა. ყველა წითელი ხაზი გადაკვეთილია. ისრაელი არ დაუშვებს, ირანი ბირთვულ იარაღს ფლობდეს,“- აღნიშნა ნაფტალი ბენეტმა გაეროს გენერალურ ასამბლეაზე სიტყვით გამოსვლისას.
მან ქვეყნებს საერთაშორისო ქმედებისკენ მოუწოდა. „თუ სერიოზულად განვიხილავთ მის შეჩერებას, თუ გამოვიყენებთ ჩვენს საზრიანობას, შეგვიძლია გავიმარჯვოთ”, - აღნიშნა ბენეტმა.
ისრაელის პრემიერის განცხადებას გაეროში ირანის ელჩი მაჯიდ ტახტ რავანჩი გამოეხმაურა და „ტყუილებით სავსე“ უწოდა.
„გაეროში ირანოფობია მძვინვარებს. პრემიერ -მინისტრის გამოსვლა სავსე იყო სიცრუით ირანზე. ისრაელის რეჟიმს არ აქვს უფლება განიხილოს ჩვენი სამშვიდობო პროგრამა, როდესაც მას აქვს ასობით ბირთვული ქობინი",-აღნიშნა ელჩმა.