ჩრდილოეთ კორეამ დაუდგენელი სახეობის ჭურვი ისროლა
ჩრდილოეთ კორეამ აღმოსავლეთ ზღვის მიმართულებით დაუდგენელი სახეობის ჭურვი ისროლა, - ინფორმაციას მედია საშუალებები სამხრეთ კორეის გაერთიანებულ შტაბზე დაყრდნობით ავრცელებენ.
მათივე ინფორმაციით, ჭურვი, რომელიც დღეს დილით გაისროლეს, ზღვაში ჩაეშვა.
იაპონური მედიის ცნობით, ქვეყნის თავდაცვის სამინისტროში აცხადებენ, რომ ჭურვი შეიძლება ბალისტიკური რაკეტა იყოს, რომელიც აკრძალულია გაერთიანებული ერების ორგანიზაციის სანქციებით.
სამხრეთ კორეის გაერთიანებული შტაბის ინფორმაციით, ისინი ინციდენტს აშშ -ის ოფიციალურ პირებთან ერთად აკვირდებიან.
შეგახსენებთ, 15 სექტემბერს, როგორც ჩრდილოეთ ასევე სამხრეთ კორეამ ბალისტიკური რაკეტები გამოსცადეს. ამის შემდეგ კი ჩრდილოეთ კორეამ მთელი რიგი განცხადებები გაავრცელა, სადაც ნათქვამია, რომ მზადაა, შეჩერებული კორეული მოლაპარაკებების გასაახლებლად იმ შემთხვევაში, თუ სამხრეთი გააუქმებს ჩრდილოეთის მიმართ ორმაგი სტანდარტებისა და მტრული პოლიტიკის გამოყენებას.
This is a modal window.
v-if="article.gallery" v-html="article.gallery"
