სომხეთი აზერბაიჯანს ცეცხლის გახსნასა და ჯარისკაცის დაჭრაში ადანაშაულებს - აზერბაიჯანი ბრალდებას უარყოფს
სომხეთის თავდაცვის სამინისტროს განცხადებით, აზერბაიჯანელმა სამხედროებმა სომხეთის შეიარაღებული ძალების პოზიციებს აზერბაიჯანის საზღვართან, გეღარქუნიქის პროვინციაში, ცეცხლი გაუხსნეს, რის შედეგადაც ერთი სამხედრო დაიჭრა.
„რიგითი გარნიკ აბრაჰამიანი მხარში დაიჭრა. მის სიცოცხლეს საფრთხე არ ემუქრება“, - აცხადებენ სომხეთის თავდაცვის უწყებაში.
აღნიშნულ ინფორმაციას აზერბაიჯანის თავდაცვის სამინისტრო უარყოფს.
„სომხური მედიის მიერ გავრცელებული ინფორმაცია აზერბაიჯანის არმიის ქვედანაყოფების მიერ სომხეთის შეიარაღებული ძალების ქვედანაყოფების მიმართულებით ცეცხლის გახსნისა და შედეგად მოწინააღმდეგის სამხედრო მოსამსახურის დაჭრის შესახებ, სიმართლეს არ შეესაბამება“, - აცხადებენ აზერბაიჯანის თავდაცვის უწყებაში.
