არაბული გამოცემა Asharq al-Awsat-ი იუწყება, რომ თურქეთმა ჯავშანმანქანები და სამხედრო სატვირთო ტრანსპორტი საკონტროლო გამშვები პუნქტის კარფ-ლუსინის გავლით, სირიის პროვინცია იდლიბში გადაიყვანა.
აღნიშნული მედიასაშუალების ინფორმაციით, დამატებითი საჯარისო ძალები გადასროლილია ჯებელ-ეზ-ზაბის რაიონში და იდლიბის აღმოსავლეთით, სადაც განთავსებულია თურქი სამხედროების სადამკვირვებლო პოსტები.
თვითმხილველებმა გამოცემას განუცხადეს, რომ თურქეთის ჯარები თავის პოზიციებზე ამონტაჟებენ მძიმე შეიარაღებას და ჯავშანტექნიკის პატრულს აძლიერებენ.
გამოცემა „Asharq al-Awsat“ აღნიშნავს, რომ თურქეთის სარდლობის მიერ დამატებითი ძალების გადასროლა განპირობებულია გახშირებული სროლებით სირიის სამთავრობო ძალებსა და სირიის შეიარაღებული ოპოზიციური ძალების შეხების ხაზზე. გამოცემა ვითარების გამწვავებას არ გამორიცხავს.