ილჰამ ალიევის განცხადებით, სომხეთის პრემიერ-მინისტრთან დიალოგისთვის მზად არის, თუკი შეხვედრას ეუთო-ს მინსკის ჯგუფი მოამზადებს

აზერბაიჯანის პრეზიდენტის ილჰამ ალიევის განცხადებით, მზად არის სომხეთის პრემიერ - მინისტრთან ნიკოლ ფაშინიანთან მოლაპარაკებებისთვის, თუკი შეხვედრას ორგანიზებას მინსკის ჯგუფი გაუწევს.

„მთელი იმ პერიოდის განმავლობაში, რაც სახელმწიფოს მეთაურის თანამდებობაზე ვარ, არასოდეს გამიმართავს სატელეფონო საუბრები სომხეთის არც ერთ ლიდერთან. ეს არ არის ყველაზე სწორი საშუალება. თუმცა, მინსკის ჯგუფის თანათავმჯდომარეები თუკი შემოგვთავაზებენ ასეთ შეხვედრას, ჩვენ, რა თქმა უნდა, წინააღმდეგი არ ვიქნებით“, - განუცხადა ალიევმა ფრანგულ ტელეკომპანიას France 24 .

მისი თქმით, შეიარაღებული კონფლიქტის დასრულების შემდეგ, მთიანი ყარაბაღის ირგვლივ ორი ქვეყნის ლიდერებს პირდაპირი ურთიერთობის შესაძლებლობა ჰქონდათ მხოლოდ ერთხელ - სამმხრივი მოლაპარაკებების დროს, რომელიც წელს რუსეთის პრეზიდენტმა მოსკოვში გამართა.

„ჩემი მიზანი იყო ომის შემდგომი განვითარება. შეხვედრის სხვა შესაძლებლობა არ გვქონია: ალბათ, პანდემიის გამო, ან სხვა რაიმე მიზეზით“, - განაცხადა ალიევმა.

მისი თქმით, მისი ქვეყანა არასოდეს გაურბოდა შეხვედრებს უმაღლეს დონეზე - არც ბოლო სამხედრო წინააღმდეგობამდე და არც მას შემდეგ.

„ჩვენ ვფიქრობთ, რომ ასეთი კონტაქტების დროს შეიძლება მოიძებნოს მრავალ კითხვაზე პასუხი, რომლებიც ორივე მხარეს გაუჩნდება“ , - აღნიშნა აზერბაიჯანის ლიდერმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს