ვაშინგტონს რომ ავღანეთში 2 500 ამერიკელი ჯარისკაცი დაეტოვებინა, აშშ „თალიბანთან“ საომარ მდგომარეობაში იქნებოდა, – ამის შესახებ თეთრი სახლის პრესსპიკერმა ჯენ ფსაკიმ განაცხადა.

ფსაკი გამოეხმაურა ამერიკელი გენერლების, მარკ მილისა და ფრენკ მაკენზის კომენტარს, რომლებმაც კონგრესის წინაშე განაცხადეს, რომ მათ პრეზიდენტს ავღანეთში 2 500 ჯარისკაცის დატოვება შესთავაზეს. აღნიშნული განცხადება ეწინააღმდეგება პრეზიდენტ ჯო ბაიდენის კომენტარს, რომელიც ირწმუნება, რომ მის სამხედრო მრჩევლებს შორის ავღანეთიდან ჯარის გაყვანის საკითხთან დაკავშირებით განხეთქილება არ ყოფილა.

„პრეზიდენტი აფასებს მეთაურებისა და სამხედროების გულწრფელ რჩევას. ეს არ ნიშნავს რომ ის ყოველთვის ეთანხმება ამ რჩევას. შეერთებულ შტატებს ავღანეთში ჯარი გაყვანის ვადის ამოწურვის, 31 აგვისტოს შემდეგ, რომ დაეტოვებინა, თალიბანთან ომში ვიქნებოდით,“ - განმარტა თეთრი სახლის პრესსპიკერმა.