ამერიკული ავიაკომპანია United Airlines-ი 600-მდე არავაქცინირებულ თანამშრომელს გაათავისუფლებს

ამერიკული ავიაკომპანია United Airlines-ი აცხადებს, რომ 593 თანამშრომელს, რომელმაც კოვიდ 19-ის საწინააღმდეგო ვაქცინაციაზე უარი თქვა, სამსახურიდან გაათავისუფლებს.

”ეს წარმოუდგენლად რთული გადაწყვეტილება იყო, მაგრამ ჩვენი გუნდის უსაფრთხოება ყოველთვის ჩვენი უპირველესი პრიორიტეტია”, - განაცხადეს კომპანიის აღმასრულებელმა დირექტორმა სკოტ კირბიმ და პრეზიდენტმა ბრეტ ჰარტმა.

კომპანიის წარმომადგენლებმა განმარტეს, რომ ის თანამშრომლები, რომლებიც გათავისუფლების პროცესის ოფიციალურად დასრულებამდე აიცრებიან, სამსახურს შეინარჩუნებენ. ამასთან, რელიგიური ან სამედიცინო მიზეზით ვაქცინაციის ვალდებულებისგან გათავისუფლების თხოვნით, კომპანიას 2 000-მდე თანამშრომელმა მიმართა, რაც United Airlines-ის 67 000 თანამშრომლის 3 %-ს შეადგენს. კომპანიაში განმარტავენ, რომ დარჩენილი თანამშრომლების 99% ვაქცინირებულია.

ცნობისთვის, აგვისტოს დასაწყისში United Airlines-მა განაცხადა, რომ კომპანიის ყველა ამერიკელი თანამშრომელი ვალდებული იყო კორონავირუსის საწინააღმდეგო ვაქცინით აცრილიყო და ვაქცინაციის დამადასტურებელი ბარათი კომპანიის სისტემაში აეტვირთა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
ქართული პრესის მიმოხილვა 25.10.2021
ჰუმანური შრომითი პოლიტიკა - რას ნიშნავს შრომით ბაზარზე გამოჩენილი ახალი ტენდენცია
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
BDO: ყველაზე ცნობადი ბრენდი საქართველოს ბიზნეს საკონსულტაციო კომპანიების ბაზარზე
„მიჰაუსში“ ჰელოუინთან დაკავშირებით დიდი ფასდაკლება დაიწყო
ამბასადორი ბათუმი აილენდი მულტიფუნქციური ხელოვნური კუნძულის მშენებლობისთვის ტექნიკურ კვლევებს აწარმოებს
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა