„თალიბანი“ აშშ-ს აფრთხილებს
„თალიბანი“ აშშ-ს მოსალოდნელი შედეგებზე აფრთხილებს, თუკი მათი დრონები ავღანეთის საჰაერო სივრცეში ფრენას არ შეწყვეტენ.
„აშშ-მ ავღანეთში მისი თვითმფრინავების ოპერირებით ყველა საერთაშორისო უფლება და კანონი დაარღვია, ასევე დაარღვია „თალიბანის“ წინაშე აღებული ვალდებულებები დოჰაში, ყატარში“, - ნათქვამია ,,თალიბანის“ განცხადებაში Twitter- ზე.
,,თალიბანი“ აღნიშნავს, რომ თუკი აშშ-ს ნეგატიური შედეგები არ სურს, მაშინ მან ავღანეთთან მიმართებაში საერთაშორისო კანონებისა და ვალდებულებების ფარგლებში უნდა იმოქმედოს.
აღნიშნულთან დაკავშირებით აშშ-ს ოფიციალურ წარმომადგენლებს განცხადება ჯერ არ გაუვრცელებიათ.
