იაპონიის მმართველი „ლიბერალ-დემოკრატიული“ პარტიის ლიდერის გამოსავლენად ჩატარებულ არჩევნებში ყოფილმა საგარეო საქმეთა მინისტრმა, ფუმიო კიშიდამ გაიმარჯვა, - ინფორმაციას Reuters-ი ავრცელებს.
სააგენტოს ცნობით, კენჭისყრის მეორე ტურის შედეგად კიშიდამ 257 ხმა მიიღო, მისმა კონკურენტმა, ვაქცინაციის საკითხებში მინისტრმა ტორო კონომ კი - 170.
„დოიჩე ველე“ წერს, რომ მმართველი პარტიის ლიდერი უდავოდ გახდება ქვეყნის მომავალი პრემიერ-მინისტრი და იოშიჰიდე სუგას ჩაანაცვლებს. გამოცემის ცნობით, ახალ პრემიერს პარლამენტი უახლოეს დღეებში დაამტკიცებს.