რუსეთის პრეზიდენტის, ვლადიმერ პუტინის განცხადებით, მოსკოვმა და ანკარამ ურთიერთსასარგებლო კომპრომისების პოვნა ისწავლეს.
„მოლაპარაკებები ზოგჯერ რთულად მიმდინარეობს, მაგრამ საბოლოოდ შედეგი დადებითია,“- აღნიშნა პუტინმა თურქ კოლეგასთან შეხვედრაზე.
ვლადიმერ პუტინმა ასევე ყურადღება გაამახვილა სირიასა და ლიბიაში რუსეთ-თურქეთის წარმატებულ თანამშრომლობაზე და სომხეთ-აზერბაიჯანის სასაზღვრო ზონაში რუსულ-თურქულ ერთობლივი ცენტრის მუშაობაზე.
„საერთაშორისო ხაზზე, ჩვენ საკმაოდ წარმატებით ვთანამშრომლობთ. ვგულისხმობ როგორც სირიას, ასევე ჩვენს კონტაქტებს, პოზიციების კოორდინაციას ლიბიის საკითხზე. აქტიურად მუშაობს აზერბაიჯანსა და სომხეთს შორის საზღვარზე ცეცხლის შეწყვეტის კონტროლის რუსულ-თურქული ცენტრი,“- აღნიშნა პუტინმა.
მისივე თქმით, რუსეთსა და თურქეთს შორის თანამშრომლობა სტაბილურობის გარანტიაა.