პრემიერი - ბატონი კეზერაშვილის წინააღმდეგ შეტანილი სარჩელი შეეხება სწორედ იმ გაფლანგულ ათეულობით და ასეულობით მილიონ დოლარს, რომელსაც ადგილი ჰქონდა მისი მინისტრობის დროს

ბატონი კეზერაშვილის წინააღმდეგ შეტანილი სარჩელი შეეხება სწორედ იმ გაფლანგულ ათეულობით და ასეულობით მილიონ დოლარს, რომელსაც ადგილი ჰქონდა მისი მინისტრობის დროს თავდაცვის სამინისტროში, - ასე გამოეხმაურა პრემიერ-მინისტრი ირაკლი ღარიბაშვილი ჟურნალისტებთან საუბრისას თავდაცვის სამინისტროს მიერ დავით კეზერაშვილისა და სახელმწიფო შესყიდვების დეპარტამენტის უფროსის, ალექსანდრე ნინუას წინააღმდეგ საქალაქო სასამართლოში სარჩელის შეტანას.

როგორც ღარიბაშვილმა აღნიშნა, ერთ-ერთი ფაქტი დადასტურდა და სასამართლომ კეზერაშვილი დაუსაბუთებელი, გაუგებარი პროგრამების დაფინანსებისთვის დამნაშავედ სცნო.

„თუ არ ვცდები, 5 მილიონი დოლარი იქნა გადარიცხული ერთ-ერთ ოფშორულ კომპანიაში და არავითარი არც სერვისი არ იქნა გაწეული და არანაირი შეიარაღება არ ჩამოსულა. ასეთი ფაქტი არის უამრვი და რა თქმა უნდა, ამას გამოძიება გასცემს შესაბამის პასუხს“, - განაცხადა ღარიბაშვილმა.

ცნობისთვის, საქართველოს თავდაცვის სამინისტროს, დავით კეზერაშვილისა და მისი თავდაცვის მინისტრობის დროს სახელმწიფო შესყიდვების დეპარტამენტის უფროსის, ალექსანდრე ნინუას წინააღმდეგ საქალაქო სასამართლოში სარჩელი შეაქვს, თავდაცვის უწყების მიმართ დანაშაულებრივი ქმედებით მიყენებული ზიანის ანაზღაურების მოთხოვნით.

ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
ქართული პრესის მიმოხილვა 14.10.2021
ვიტალი ბალა - თუ სააკაშვილის კიევში დაბრუნებასთან დაკავშირებით უკრაინისა და საქართველოს პირველ პირებს შორის შეთანხმება იქნა მიღწეული, ამ თემაზე საქართველოს ხელისუფლების ადრე გაკეთებული განცხადებები ბევრს არც არაფერს ნიშნავს
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს
ქართულ ბაზარზე ახალი ინოვაციური ბრენდი „მულტი“ შემოდის
BTU აბიტურიენტებისთვის და მაგისტრანტობის კანდიდატებისთვის მასშტაბურ პროექტს იწყებს