ავსტრალიის მოქალაქეებს საზღვარგარეთ გამგზავრების უფლება უახლოეს მომავალში ექნებათ

ავსტრალიის პრემიერ-მინისტრის, სკოტ მორისონის განცხადებით, ავსტრალიელებს საზღვარგარეთ გამგზავრების უფლება უახლოეს მომავალში მიეცემათ.

მედიის ინფორმაციით, პრემიერს დეტალებზე არ უსაუბრია, თუმცა ხაზი გაუსვა, რომ სასაზღვრო რეგულაციები შემსუბუქდება „რამდენიმე კვირაში“, მაშინვე, როგორც კი მოსახლეობის 80% იქნება ვაქცინირებული.

გავრცელებული ინფორმაციით, 18-თვიანი ჩაკეტვის შემდეგ ქვეყნის ხელახალი გახსნის პირველი ეტაპი ორიენტირებული იქნება ავსტრალიის მოქალაქეების მოგზაურობის შესაძლებლობაზე, ტურისტებისა და უცხო ქვეყნის სხვა მოქალაქეების ავსტრალიაში შეშვების გეგმა კი პირველი ფაზის შემდეგ შემუშავდება.

შეგახსენებთ, ავსტრალიის პრემიერ-მინისტრმა ქვეყნის საზღვრები 2020 წელს ჩაკეტა. იმ დროიდან ავსტრალიაში შესვლის უფლება მხოლოდ შეზღუდული რაოდენობის მოქალაქეებსა და მუდმივ რეზიდენტებს აქვთ და ისინი ვალდებულები არიან, ქვეყანაში შესვლის შემდეგ 14-დღიანი კარანტინი სასტუმროში, საკუთარი ხარჯით გაიარონ.

ავსტრალიის ფედერალურ მთავრობას იმედი აქვს, რომ ქვეყნის მოსახლეობის 80 % ნოემბრის ბოლომდე იქნება ვაქცინირებული.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო