უკრაინის მოქალაქის, საქართველოს ყოფილი პრეზიდენტის მიხეილ სააკაშვილის დაკავებამ შესაძლოა, სერიოზული დიპლომატიური სკანდალი გამოიწვიოს. ამის შესახებ უკრაინის უმაღლეს რადაში საპრეზიდენტო ფრაქციის „ხალხის მსახურის“ თავმჯდომარემ დავით არახამიამ განაცხადა.
„მიმაჩნია, რომ იქნება სერიოზული დიპლომატიური სკანდალი ამ თემაზე, რადგან სააკაშვილი - უკრაინის მოქალაქეა და არ აქვთ უფლება, ის ასე უსაფუძვლოდ დააკავონ“ , - განაცხადა არახამიამ.
მისივე თქმით, საკითხის განხილვა საერთაშორისო დონეზე მოხდება.
„ჩემი აზრით, გაივლის დასვენების დღეები და ზუსტად იქნება ამ საკითხის განხილვა საერთაშორისო დონეზე. ჩვენ გვყავს საქართველოსთან მეგობრობის ჯგუფი და მიმაჩნია, რომ ამ საკითხის დარეგულირება საპარლამენტთაშორისო დონეზეც უნდა დარეგულირდეს“ , - განაცხადა არახამიამ.
ცნობისთვის, საქართველოს პრეზიდენტი მიხეილ სააკაშვილი დღეს დააკავეს.