„ქართული ოცნების“ ინფორმაციით, 12 საათის მდგომარეობით არჩევნებში 620 ათასმა ამომრჩეველმა მიიღო მონაწილეობა, რაც ადგილობრივი თვითმმართველობის არჩევნებისთვის მაღალი აქტივობის მაჩვენებლია.
მმართველი პარტია ამომრჩევლებს მაქსიმალური აქტიურობისკენ მოუწოდებს.
„თითოეული თქვენგანის ხმას გადამწყვეტი მნიშვნელობა აქვს ჩვენი ქვეყნის საერთო გამარჯვებისთვის. საქართველოს ყველა რეგიონს, თითოეულ ქალაქსა და სოფელს მშვიდობა, სტაბილურობა და განვითარება სჭირდება. თქვენ თქვენი აქტიურობით ამაში გადამწვეტი როლის შესრულება შეგიძლიათ“, - განაცხადა პარტიის ცენტრალურ ოფისში გამართულ ბრიფინგზე მარიამ ქვრივიშვილმა.