ირაკლი ღარიბაშვილი - მინდა მივმართო ჩვენს ოპონენტებს - დღეს ქვეყანაში დავასრულეთ პოლარიზაცია, დღეს დავასრულეთ სიძულვილის და სიცრუის ეპოქა

საქართველოს პრემიერ-მინისტრმა ირაკლი ღარიბაშვილმა ოპონენტებს მიმართა და განაცხადა, რომ დღეს ქვეყანაში პოლარიზაცია დასრულდა.

როგორც ღარიბაშვილმა „ქართული ოცნების“ ოფისთან მოწყობილ სცენაზე სიტყვით გამოსვლისას აღნიშნა, ხვალიდან სიმშვიდის და სტაბილურობის ხანა უნდა დაიწყოს.

„მინდა მივმართო ჩვენს ოპონენტებს - დღეს ქვეყანაში დავასრულეთ პოლარიზაცია. დღეს დავასრულეთ სიძულვილის და სიცრუის ეპოქა, ხვალიდან უნდა დაიწყოს სიმშვიდის, განვითარების, სტაბილურობის ხანა. კიდევ ერთხელ გილოცავთ და გისურვებთ მშვიდობას და სტაბილურობას“,- განაცხადა ღარიბაშვილმა.

“ქართული ოცნების“ ლიდერებმა ადგილობრივი არჩევნების ეგზიტპოლის შედეგების გამოცხადებისთანავე პარტიის ცენტრალური ოფისის წინ დამონტაჟებულ სცენაზე გადაინაცვლეს და საკუთარ მხარდამჭერებს არჩევნებში გამარჯვება მიულოცეს. პარტიის ოფისთან შეკრებილებს “ქართული ოცნების“ თავმჯდომარემ ირაკლი კობახიძემ, პრემიერ-მინისტრმა ირაკლი ღარიბაშვილმა და თბილისის მერობის კანდიდატმა კახა კალაძემ მიმართეს, რომლებიც მხარდამჭერებთან შესახვედრად შვილებთან ერთად გავიდნენ. აღსანიშნავია, რომ “ქართული ოცნების“ ცენტრალური ოფისის წინ დამონტაჟებულ მონიტორზე ტელეკომპანია “იმედის“ ეთერით “გორბის“ ეგზიტპოლის შედეგების ტრანსლირება ხდებოდა, რომლის მიხედვით, ადგილობრივი თვითმმართველობის არჩევნებში “ქართულმა ოცნებამ“ გაიმარჯვა.

ხათუნა ბურკაძე - დიდი სტრატეგიის შემუშავებით შევძლებთ ქვეყნის ინტერესების უზრუნველყოფას
გიორგი ჭიჭინაძე - საპენსიო რეფორმამ ძალიან მოკლე ვადაში დაადასტურა მდგრადობა
ქართული პრესის მიმოხილვა 25.10.2021
მეთიუ ბრაიზა - მიხეილ სააკაშვილის დაბრუნებამ კრიზისული სიტუაცია კიდევ უფრო გაამძაფრა, მაგრამ ყოფილი პრეზიდენტის დაკავება არ იყო ჭკვიანური პოლიტიკური ნაბიჯი
თბილისი აუთლეტ ვილიჯი ცენტრალური და აღმოსავლეთ ევროპის საუკეთესო პროექტად დასახელდა