ელენე ხოშტარია - ძალიან მალე თბილისს ეყოლება კოალიციური მმართველობა

ძალიან მნიშვნელოვანია, დედაქალაქმა თქვა ჩვენი სიტყვა. ხალხი გამოვიდა და „ქართული ოცნება“ დაამარცხა, - ამის შესახებ „დროას“ თავმჯდომარემ, ელენე ხოშტარიამ ჟურნალისტებს განუცხადა.

მისი თქმით, ძალიან მალე თბილისს კოალიციური მმართველობა ეყოლება.

„ეს არის ყველაზე მნიშვნელოვანი, კოალიციამ დაამარცხა „ქართული ოცნება“ დედაქალაქში. ახლა ჩვენი ყველას ამოცანა არის, რომ დავიცვათ ხმები უახლოესი 2 საათის განმავლობაში. წარმომიდგენია აღელვებული „ქართული ოცნების“ წარმომადგენლები. ამიტომ, ჩვენ ახლა ყველა უბანზე ვიცავთ ხმებს. ძალიან მალე თბილისს ეყოლება კოალიციური მმართველობა“, - განაცხადა ხოშტარიამ.

მისი შეფასებით, „ქართული ოცნების“ კვლევა არ არსებობს, რადგან ყველაზე სანდო კვლევა არის Ipsos-ის.

„მსჯელობასაც კი არ ვაპირებ მათ კვლევებზე, ერთადერთი, სანდო, რაც მოვისმინეთ, ახლა არის Ipsos-ი. იგივე ინფორმაცია მოდიოდა უბნებიდან მთელი დღის განმავლობაში. ჩვენ ვნახეთ მობილიზებული თბილისი, ამან მოიტანა შედეგი“, - განაცხადა ხოშტარიამ.

Ipsos-ის მიერ, ტელეკომპანია „მთავარის“ დაკვეთით ჩატარებული ეგზიტპოლის შედეგების მიხედვით, თვითმმართველობის არჩევნებში „ქართულ ოცნებას“ ხმას ამომრჩეველთა 38, 6 % აძლევს. მეორე ადგილზეა „ნაციონალური მოძრაობა“ 33 %-ით.

რაც შეეხება სხვა პარტიებს, ხმები ასე ნაწილდება:

გიორგი გახარიას პარტია „საქართველოსთვის“ – 7,6 %,

„გირჩი - მეტი თავისუფლებისთვის“ - 4,8 %,

„ლელო“ – 4 %,

"ხალხისთვის" - 2%,

"გირჩი" - 1,6%,

"მოქალაქეები" - 1,1%,

„ევროპული საქართველო“ – 1 %,

"ლეიბორისტული პარტია" - 1,0%,

"პატრიოტთა ალიანსი" - 0,9%,

"მესამე ძალა" - 0,8%.

იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
ქართული პრესის მიმოხილვა 18.10.2021
ვახტანგ ძაბირაძე - თუ ხელისუფლება და ოპოზიცია მეორე ტურის უკეთ გასაკონტროლებლად კონკრეტულ მექანიზმებზე ვერ შეთანხმდნენ, მაშინ გამოვა, რომ ორივე მხარე შეგნებულად მიდის ვითარების გამწვავებაზე
„გორგია“ ბათუმში დაზარალებულ ყველა ოჯახს მათთვის საჭირო ტექნიკას, ავეჯსა და საყოფაცხოვრებო ნივთებს გადასცემს