ზაურ დარგალი - ჩვენ არცერთი დაპირისპირება და პროვოკაცია არ გვაწყობდა - აწყობდა "ნაციონალურ მოძრაობას", ოპოზიციას, რადგან იცოდნენ წაგებულები იყვნენ

ჩვენ არცერთი დაპირისპირება, პროვოკაცია არ გვაწყობდა - დაპირისპირება აწყობდა "ნაციონალურ მოძრაობას", ოპოზიციას, რადგან იცოდნენ წაგებულები იყვნენ,- ამის შესახებ "ქართული ოცნების" წევრმა ზაურ დარგალმა განაცხადა.

როგორც დარგალი განმარტავს, "ქართული ოცნება" პირველივე ტურში დამაჯერებლად იმარჯვებს.

"მინდა მადლობა გადავუხადო ყველა ამომრჩეველს, ჩვენს მხარდამჭერებს. დღეს, მარნეულში, როგორც ვაცხადებდით, დამაჯერებლად ვიმარჯვებთ პირველივე ტურში. საკმაოდ მაღალი პროცენტით გავიმარჯვებთ ამ არჩევნებზე. დილიდან საღამომდე არჩევნები მშვიდ გარემოში მიმდინარეობდა. თუმცა, როგორც დღის განმავლობაში გეუბნებოდით, მოსალოდნელი იყო პროვოკაციები, მოხდა რამდენიმე პროვოკაციაც, თუმცა, არჩევნები მშვიდ ვითარებაში ჩატარდა", - განაცხადა დარგალმა.

კითხვაზე, თუ როგორ შეაფასებდა "გირჩის" წევრის ცემის ფაქტს, დარგალმა განაცხადა, რომ აღნიშნულთან დაკავშირებით ინფორმირებული არ არის.

"არანაირ ინფორმაციას არ ვფლობ ამ კონკრეტულ შემთხვევასთან დაკავშირებით, თუმცა, რაც მოხდა, ამაში "ქართული ოცნების" წევრების ჩართულობა, დაპირისპირება არ იყო. ჩვენ მოგებული გვაქვს ეს არჩევნები, ვიცოდით წინასაარჩევნო კამპანიის დროს, როცა ყოველ შეხვედრაზე თითოეულ სოფელში ვგრძნობდით მოსახლეობის მხარდაჭერას და ჩვენ არცერთი დაპირისპირება, პროვოკაცია არ გვაწყობდა. დაპირისპირება აწყობდა "ნაციონალურ მოძრაობას", ოპოზიციას, რადგან იცოდნენ წაგებულები იყვნენ", - განაცხადა დარგალმა.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
"ავერსსა" და "კავკასიის უნივერსიტეტს" შორის თანამშრომლობის მემორანდუმი გაფორმდა
ინვესტიცია გუდაურის ოპერირებად სასტუმროში
აზიის განვითარების ბანკმა საქართველოში საცხოვრებელი სახლების პროექტების მდგრადი განვითარებისთვის $10 მილიონიანი სესხი დაამტკიცა
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს