ცესკოს სპიკერი - ყველაფერი მიმდინარეობს კანონის სრული დაცვით - ცენტრალურ საარჩევნო კომისიაში არანაირი გადაცდომა არ იქნება

ნუ ვჩქარობთ, ყველაფერი წესრიგშია, ყველაფერი მიმდინარეობს კანონის სრული დაცვით - ნუ ღელავთ, ყველაფერი კანონის შესაბამისად იქნება და ცენტრალურ საარჩევნო კომისიაში არანაირი გადაცდომა არ იქნება ,- ამის შესახებ ცენტრალური საარჩევნო კომისიის სპიკერმა ნათია იოსელიანმა ბრიფინგზე განაცხადა.

ამასთან, იოსელიანი აღნიშნავს, რომ თვითმმართველობის არჩევნების შედგების დათვლას სხვა არჩევნებისგან განსხვავებით მეტი დრო სჭირდება და ამის მიზეზებს განმარტავს.

„გამოცდილება აჩვენებს, რომ მუნიციპალიტეტის არჩევნებისას პირველადი წინასწარი მონაცემების გამოცხადებისას, საარჩევნო უბნების დახურვიდან ოპტიმალური დრო, საორიენტაციოდ 7-8 საათია. ნუ ვჩქარობთ, ყველაფერი წესრიგშია, ყველაფერი მიმდინარეობს კანონის სრული დაცვით.

სხვა საერთო არჩევნებისგან განსხვავებით ამ არჩევნებს აქვს თავისი სპეციფიკა, ამ არჩევნებისას, ხმის დათვლის პროცედურები მოითხოვს იმაზე მეტ დროს, ვიდრე ეს სხვა არჩევნების დროსაა საჭირო. ჩვენ გვაქვს სამი ბიულეტენი - მაჟორიტარული, პროპორციული და მერის. შესაბამისად, ამ სამი სახის ბიულეტენის დათვლას შესაბამისი დრო სჭირდება. მუნიციპალური ორგანოს არჩვენებისთვის, ამ არჩვენებზე ცესკო-ში რეგისტრირებულია 43 საარჩევნო სუბიექტი. ეს არის 2-ჯერ მეტი რაოდენობა, ვიდრე წინა წლებში, შესაბამისად, ამას დასჭირდება დრო, რომ მოხდეს დახარისხება, დათვლა და ამ მონაცემების შემაჯამებელ ოქმებში გადატანა. ეს ოქმები საუბნო საარჩევნო კომისიიდან უნდა მივიდეს საოლქო საარჩევნო კომისიებში. საოლქო საარჩევნო კომისიებში არის 68 საინიციატივო ჯგუფი. ფაქტია, რომ ამას სჭირდება რაღაც პერიოდი, და დიდი ყურადღება. ამიტომ, მოგიწოდებთ სიმშვიდისკენ. მას შემდეგ, რაც საუბნო საარჩევნო კომისიაში შედგება შემაჯამებელი ოქმები და იმის შემდეგ, რაც ეს შემაჯამებელი ოქმები აღმოჩნდება ცენტრალურ საარჩევნო კომისიაში, დამერწმუნეთ, რომ ეს შემაჯამებელი ოქმები შემოწმდება და შემდეგ ჩვენს სპეციალურ ვებ-გვერდზე აიტვირთება დაუყოვნებლივ“,- განაცხადა იოსელიანმა.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში