სალომე სამადაშვილი - იმედია, ოპოზიცია, რომელმაც, საბოლოო ჯამში, პროპორციული უკვე მოიგო, არ გაიმეორებს 2020-ის შეცდომას, მეორე ტურებზე, ყველგან გავა
პარლამენტის ოპოზიციონერი დეპუტატი სალომე სამადაშვილი იმედოვნებს, რომ ოპოზიცია მეორე ტურებში მონაწილეობას მიიღებს.
ამის შესახებ სამადაშვილმა სოციალურ ქსელში დაწერა და აღნიშნა, რომ „ოცნება“ დღეს სასიკვდილოდ დაიჭრა“.
„იმედია, ოპოზიცია, რომელმაც, საბოლოო ჯამში, პროპორციული უკვე მოიგო, არ გაიმეორებს 2020-ის შეცდომას (ცხადია, ჩემი აზრით). მეორე ტურებზე, სადაც შედგება, ყველგან გავა.
დაველოდოთ დამკვირვებლების შეფასებებს, მაგრამ, პრინციპულად, ამ უთანასწორო ბრძოლის წესებში, სამწუხაროდ, ბევრი არაფერი შეცვლილა.
მიუხედავად ამისა, „ოცნება“ დღეს სასიკვდილოდ დაიჭრა“,- წერს სამადაშვილი.
