ალექსეი პუშკოვი მიხეილ სააკაშვილის ციხიდან გამოგზავნილ წერილზე - უცნაური წერილი, არცთუ ისე ადეკვატური ადამიანისგან

რუსი სენატორი ალექსეი პუშკოვი საქართველოს ყოფილი პრეზიდენტის მიხეილ სააკაშვილის რუსთავის ციხიდან გამოგზავნილ წერილს ეხმაურება. ამის შესახებ რუსეთის ფედერაციის საბჭოს წევრი საკუთარ სოციალურ ქსელ „ტელეგრამში“ წერს.

პუშკოვის თქმით, სააკაშვილისა და მისი მომხრეების განცხადება, რომ საქართველოში ძალაუფლება „პრორუსული ძალების“ ხელშია, შესაძლოა ფსიქიატრებისთვის საინტერესო აღმოჩნდეს. მან ამ ყველაფერს სრული სისულელე უწოდა.

„უცნაური წერილი, არცთუ ისე ადეკვატური ადამიანისგან“, - აღნიშნა პარლამენტარმა.

რუსმა სენატორმა ევროპის საბჭოს საპარლამენტო ასამბლეის ფარგლებში სააკაშვილის პარტიის წარმომადგენლებთან მუშაობის გამოცდილებაც გაიხსენა. როგორც ალექსეი პუშკოვმა აღნიშნა, ეს ადამიანები არ გაჩერდებიან მანამ, სანამ რუსეთთან ომის პროვოცირებას არ მოახდენენ.

მიხეილ სააკაშვილმა რუსთავის #12 სასჯელაღსრულების დაწესებულებიდან გუშინ წერილი გაავრცელა.

„ჩემო ძვირფასო თანამებრძოლებო და ჩემო სათაყვანებელო ქართველო საზოგადოება, როცა ყველაფერი მივატოვე კიევში და ჩამოვედი, ვიცოდი რომ, დიდი ალბათობით, დამაკავებდნენ. დამაკავებდნენ სრულიად მოგონილი ყალბი განაჩენებით, რომლებიც თავის დროზე, მათ შორის, პუტინის დაკვეთით გამომიტანეს. მსოფლიოს არცერთი ქვეყანა რუსეთის გარდა ამ განაჩენს არ აღიარებს, მაგრამ მე მაინც ჩამოვედი, ვინაიდან მჯერა, ჩემი ქვეყნის და თითოეული თქვენგანის“, - წერს სააკაშვილი.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა