ბრაზილიაში ათასობით ადამიანი ქუჩაში ეკონომიკური მდგომარეობის გაუარესების, მზარდი უმუშევრობისა და შიმშილის ფონზე პრეზიდენტ ჟაირ ბოლსონაროს იმპიჩმენტის მოთხოვნით გამოვიდა. ამის შესახებ ინფორმაციას CNN ავრცელებს.

სან-პაოლოსა და რიო-დე-ჟანეიროში ადამიანები ბანერებზე წარწერით „ბოლსონარო უნდა წავიდეს, იმპიჩმენტი ახლავე“ გამოვიდნენ. დემონსტრანტები ბრაზილიის დედაქალაქში პრეზიდენტის მიერ კოვიდ პანდემიის არაეფექტურად მართვას, ამასთანავე, ეკონომიკურ პრობლემებს, ინფლაციის ზრდასა და საწვავის მაღალ ფასებს აპროტესტებენ.

მოქალაქეები მსვლელობით ეროვნული კონგრესის შენობის წინ გამოვიდნენ. Datafolha Institute-ის მიერ ჩატარებული ბოლო გამოკითხვით, ქვეყნის პრეზიდენტის რეიტინგი ეცემა. ბრაზილიელების ნახევარზე მეტი, 53% ბოლსონაროს საქმიანობას უარყოფითად აფასებს. მისი რეიტინგი 2019 წლის შემდეგ ყველაზე დაბალ ნიშნულზეა.