ჰონდურასის ერთ-ერთ კუნძულზე გაჩენილმა ხანძარმა უამრავი სახლი გაანადგურა, ასობით ადამიანი იძულებული გახდა ტერიტორია დაეტოვებინა. ამის შესახებ ინფორმაციას Aljazeera ავრცელებს.
მათივე ცნობით, განადგურდა 90 სახლი, 120 კი დაზიანდა. ხანძრის შედეგად დაშავდა ოთხი ადამიანი. ამასთან, ხანძრის გამო კუნძული ნავით დატოვა 400-ზე მეტმა ადამიანმა.
„ვადასტურებთ, რომ ადამიანური დანაკარგი არ გვაქვს, მაგრამ გვაქვს მატერიალური ზარალი“, - განაცხადა რისკების მართვის ეროვნული სისტემის და საგანგებო სიტუაციების ეროვნული სააგენტოს მინისტრმა მაქს გონზალესმა. კუნძულის მერის თქმით, მათ ახლა ყველანაირი სახის დახმარება სჭირდებათ.
ჰონდურასის კუნძულზე 6 000 ადამიანი ცხოვრობს და მათი შემოსავლის წყაროს ტურიზმის ბიზნესი წარმოადგენს.