რუსეთის საგარეო უწყებამ ჩრდილოეთ მაკედონიის საელჩოს თანამშრომელი პერსონა ნონ გრატად გამოაცხადა
რუსეთის საგარეო საქმეთა სამინისტრომ მოსკოვში ჩრდილოეთ მაკედონიის საელჩოს თანამშრომელი პერსონა ნონ გრატად გამოაცხადა, - ინფორმაციას რუსული მედია ავრცელებს.
”4 ოქტომბერს, ჩრდილოეთ მაკედონიის რესპუბლიკის საქმეთა რწმუნებული ოლივერა ჩაუშევსკა-დიმოვსკა რუსეთის საგარეო საქმეთა სამინისტროში დაიბარეს, რათა გადაეცათ სამინისტროს შეტყობინება იმის შესახებ, რომ მოსკოვში ჩრდილოეთ მაკედონიის საელჩოს თანამშრომელი პერსონა ნონ გრატად გამოცხადდა“, - აცხადებენ რუსეთის საგარეო საქმეთა უწყებაში.
მათივე ინფორმაციით, ეს გადაწყვეტილება სკოპიეში რუსეთის საელჩოს დიპლომატის პერსონა ნონ გრატად გამოცხადების საპასუხოდ მიიღეს.
„ეს ნაბიჯი წარმოადგენს საპასუხო ქმედებას ჩრდილოეთ მაკედონიის მიერ სკოპიეში რუსეთის საელჩოს დიპლომატის პერსონა ნონ გრატად გამოცხადებასთან დაკავშირებული დაუსაბუთებელი გადაწყვეტილების მიმართ,“- აცხადებენ რუსეთის საგარეო უწყებაში.
მათივე განცხადებით, ჩრდილოეთ მაკედონია აგრძელებს დაპირისპირების გზით სვლას და არ ითვალისწინებს, რომ ასეთი ნაბიჯები ზიანს აყენებს ორმხრივ ურთიერთობებს.
v-if="article.gallery" v-html="article.gallery"
