ლევან იოსელიანი - საარჩევნო რეფორმამ ეს ქვეყანა ერთი ნაბიჯით წინ წაიყვანა

პარლამენტის თავმჯდომარის მოადგილის ლევან იოსელიანის განცხადებით, საარჩევნო რეფორმამ ეს ქვეყანა ერთი ნაბიჯით წინ წაიყვანა.

მან პლენარულ სხდომაზე რეფორმის მომზადების პროცესში ჩართულ მხარეებს მადლობა გადაუხადა.

„თბილისის მასშტაბით ხმების გადათვლა უკვე დასრულებულია და პრაქტიკულად არ არის არანაირი აცდენა. უკვე ვიცით, რომ სამართლიანი არჩევნებისა და დემოკრატიის საერთაშორისო საზოგადოების მონაცემები პრაქტიკულად დაემთხვა ცენტრალური საარჩევნო კომისიის მიერ გამოქვეყნებულ შედეგებს და ეს ყველაფერი მიუთითებს იმაზე თუ რასაც ვამბობდით და რაზეც ძალიან დიდი კრიტიკა დავიმსახურეთ.

რა გვინდოდა ჩვენ? არჩევნების მეორე დღე, ამ ქვეყანაში, ერთხელ მაინც ყოფილიყო მშვიდი და ერთხელ მაინც არ ყოფილიყო მოწოდებები თავმჯდომარის გადადგომისკენ, გაყალბებებზე საუბარი და ასე შემდეგ. ამ ნაწილში დიდი პროგრესი ვაჩვენეთ, ყველამ ვინც მხარი დავუჭირეთ საარჩევნო რეფორმას, როგორც ოპოზიციის ნაწილმა, ასევე მმართველმა პარტიამ. რა თქმა უნდა, პრობლემა დარჩა წინასაარჩევნო პერიოდი, რაზეც ამერიკის შეერთებული შტატების საელჩომაც გააკეთა განცხადება და რომლებზეც დამკვირვებლებმაც გააკეთეს კომენტარები. წინასაარჩევნო პერიოდი ამ ქვეყანაში რჩება გამოწვევად, რადგან მაშინ ხდება დარღვევები, მოსყიდვები და რომელსაც ეს რეფორმა ვერ მოაგვარებდა. მინდა კიდევ ერთხელ მივმართო იმ ადამიანებს, ვინც სკეპტიკურად იყო განწყობილი ამ რეფორმის მიმართ და ვუთხრა, რომ ამ რეფორმამ ეს ქვეყანა ერთი ნაბიჯით წინ წაიყვანა“, - განაცხადა ლევან იოსელიანმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო