საფრანგეთი, ესპანეთი, საბერძნეთი, ჩეხეთი და რუმინეთი ევროკავშირს მოუწოდებენ, მიიღოს სასწრაფო ზომები და ევროპაში გაზის ფასების რეკორდულად გაზრდის მიზეზები გამოიძიოს.
მედიის ინფორმაციით, აღნიშნული ხუთი ქვეყნის ფინანსთა მინისტრებმა ერთობლივი განცხადება გაავრცელეს, სადაც ევროკავშირს სთხოვენ, შეიმუშაოს ინსტრუმენტები იმისთვის, რომ „ფასების დრამატულ ზრდაზე დაუყოვნებლივი რეაგირება“ მოახდინოს.
განცხადებაში ასევე აღნიშნულია, რომ აუცილებელია გაზის შესყიდვების კუთხით კოორდინაციის გაზრდა.
ამასთან, დოკუმენტში ქვეყნები ევროკავშირის ელექტროენერგიის საბითუმო ბაზრის რეფორმის ინიციატივით გამოდიან, რათა გაუმჯობესდეს კავშირი მომხმარებელთა მიერ გადახდილ ფასსა და ელექტროენერგიის წარმოების საშუალო ღირებულებას შორის.
ევროპაში გაზის ფასი ბოლო დროს მნიშვნელოვნად იზრდება. 5 ოქტომბრის სავაჭრო სესიის დროს ფასმა 1000 კუბურ მეტრზე 1.400 აშშ დოლარს გადააჭარბა, რაც რეკორდული მაჩვენებელია.