ე.წ. ნავალნის საქმეს პირველივე საათებიდან თან ახლავს აგრესიული, პროპაგანდისტული კამპანია, რომელსაც ახორციელებს დასავლური და მათთან აფილირებული რუსული მედიასაშუალებები და რომლის ცენტრალური თეზისი გახდა დაუდასტურებელი ბრალდება ბლოგერის „მოწამვლის“ შესახებ, - ამის შესახებ აშშ-ში რუსეთის საელჩოს მიერ გავრცელებულ განცხადებაშია აღნიშნული, რითაც ის აშშ-სა და კიდევ 44 ქვეყნის მიერ რუსეთისთვის ალექსეი ნავალნის საქმესთან დაკავშირებით წარდგენილ შეკითხვებს ეხმიანება.
რუსეთის საელჩო ირწმუნება, რომ ქვეყანა ქიმიური იარაღის კონვენციით გათვალისწინებული ვალდებულებების ერთგულია.
„ჩვენმა ქვეყანამ აღმოფხვრა ქიმიური ომის აგენტების ყველა მარაგი, რაც ქიმიური იარაღის აკრძალვის ორგანიზაციამ დოკუმენტურად დააფიქსირა,“ - აცხადებენ საელჩოში.
შეკითხვები რუსეთს ქიმიური იარაღის აკრძალვის ორგანიზაციაში გადასცეს და რუსეთს 2020 წლის 20 აგვისტოს ალექსეი ნავალნის მოწამვლასთან დაკავშირებით განმარტება მოსთხოვეს.