ეს არის ნათელი დასტური იმისა, რომ ქვეყნის ასე მართვა არ შეიძლება, - ასე ეხმაურება „ევროპული საქართველოს“ პოლიტსაბჭოს თავმჯდომარე, გიგი წერეთელი ევროპარლამენტარების მიმართ „ქართულ ოცნების“ პირველი პირების გაკეთებულ განცხადებებს.
„ერთია ფაქტი, როცა სააკაშვილი დააკავეს, რაც ყველასთვის მიუღებელია და მეორე, როცა ნათლად ხდება მისი პოლიტპატიმრობის ლუსტრაცია და აღიარება, რომელიც ხელისუფლების პირველი პირებიდან წამოვიდა. ჩვენ მოვისმინეთ, რომ თუ კარგად არ მოიქცევა კიდევ დაუმატებენ მუხლებს. იმ შემთხვევაში კი, თუ პოლიტიკურად აქტიური არ იქნებოდა, საერთოდ არც დაიჭერდნენ. ეს არის ნათელი დასტური იმისა, რომ ქვეყნის ასე მართვა არ შეიძლება. საქართველო ვერასდროს ვერ წავა წინ თუ აქ არ იქნება დემოკრატიის სხვა ხარისხი“, - განაცხადა წერეთელმა.