„აზერბაიჯანის ავიახაზების“ განცხადებით, ბაქო-ნახიჩევანი-ბაქოს მარშუტზე შიდა რეისების განხორციელებას დღეიდან სომხეთის საჰაერო სივრცის გამოყენებით იწყებს, - ინფორმაციას აზერბაიჯანული მედია ავრცელებს.
ავიაკომპანიის განმარტებით, ეს ნაბიჯი აჩვენებს, რომ აზერბაიჯანი აბსოლუტურად მზად არის რეგიონში სატრანსპორტო კომუნიკაციების გასახსნელად.
„იმის გამო, რომ სომხეთსა და აზერბაიჯანს შორის ომი დასრულდა, რეგიონალური საავიაციო უსაფრთხოების წესები შეიცვალა. სწორედ ამიტომ, საერთაშორისო კონვენციების შესაბამისად, აზერბაიჯანმა დაიწყო ფრენების განხორციელება ზანგაზურის დერეფნის საჰაერო სივრცის გამოყენებით“, - აღნიშნულია „აზერბაიჯანის ავიახაზების“ მიერ გავრცელებულ ინფორმაციაში.