რომის პაპი აცხადებს, რომ სასულიერო პირების მხრიდან ბავშვებზე განხორციელებული სექსუალური ძალადობის ფაქტების გამო დამწუხრებული და დარცხვენილია

რომის პაპი ფრანცისკე საფრანგეთის კათოლიკე სასულიერო პირების მხრიდან ბავშვებზე განხორციელებული ძალადობის შემთხვევებს ეხმაურება.

კათოლიკური ეკლესიის წინამძღვრის თქმით, აღნიშნული ფაქტებით ის დამწუხრებული და დარცხვენილია.

მისი თქმით, ეკლესია ყველასთვის უსაფრთხო სახლი უნდა გახდეს.

„მსურს, მსხვერპლებისადმი ჩემი მწუხარება გამოვხატო, წუხილი იმ ტრავმის გამო, რომელიც მათ გადაიტანეს და ასევე ჩემი სირცხვილი, ჩვენი სირცხვილი, ეკლესიის ზედმეტად ხანგრძლივი უუნარობის გამო“, – განაცხადა პაპმა.

მისი თქმით, მსგავსი რამ კათოლიკურ ეკლესიაში აღარასოდეს უნდა მოხდეს.

5 ოქტომბერს დამოუკიდებელმა საგამოძიებო კომისიამ გაავრცელა დოკუმენტი, რომლის მიხედვითაც საფრანგეთში 1950 წლიდან დღემდე 216 000-ზე მეტი ბავშვი სასულიერო პირების მხრიდან სექსუალური ძალადობის მსხვერპლი გახდა. 2 500-გვერდიან მასალაში ნათქვამია, რომ სასულიერო პირების მხრიდან ბავშვების მიმართ სექსუალური ძალადობა სისტემატიურად ხდებოდა.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს