ისნის საოლქო საარჩევნო კომისიასთან, სადაც საჩივრების განხილვა მიმდინარეობს, ხმაური იყო. ხმაური და დაპირისპირება შენობიდან რამდენიმე კომისიის წევრის გამოსვლას მოჰყვა.

ერთ-ერთი კომისიის წევრის განცხადებამ, რომ "მე-16 უბანზე ოქმში მექანიკური შეცდომა იყო, ყველაფერი გადათვლილია და წესრიგშია", აქციის მონაწილეების გაღიზიანება გამოიწვია.

აქციის მონაწილეებმა კომისიის წევრი შეძახილებით"მონებო", "გამყალბებლებო" გააცილეს.

ისნის საოლქო საარჩევნო კომისიას დღეს მე-16 და 26-ე საარჩევნო უბნები უნდა გადაეთვალა.

აქციაზე კვლავ რჩებიან შეკრებილები. ოპოზიცია იმ საარჩევნო უბნების შედეგების გაუქმებას ითხოვს, სადაც, მათი თქმით, არჩევნები გაყალბდა.