ევროკავშირი დასავლეთ ბალკანეთის ქვეყნებს 9 მილიარდი ევროს ოდენობის დახმარებას გამოუყოფს, რაც რეგიონის ეკონომიკის განვითარებას მოხმარდება. ეს ინფორმაცია მას შემდეგ გახდა ცნობილი, რაც ევროკავშირის ლიდერები სლოვენიის ქალაქ ბრდოში ალბანეთის, ბოსნია და ჰერცეგოვინას, სერბეთის, მონტენეგროს, ჩრდილოეთ მაკედონიისა და კოსოვოს ხელისუფლებებს შეხვდნენ.
ამასთან, ცნობილი გახდა, რომ დღეიდან ალბანეთს, ჩრდილოეთ მაკედონიას, მონტენეგროსა და სერბეთს ოფიციალურად ევროკავშირის კანდიდატი ქვეყნის სტატუსი ექნებათ, ბოსნიასა და კოსოვის კი- პოტენციური აპლიკანტების. შეხვედრის შემდეგ გამოქვეყნებულ კომუნიკეში ნათქვამია, რომ ევროკავშირი ცალსახად უჭერს მხარს აღნიშნული ქვეყნების ევროინტეგრაციას, თუმცა კონკრეტული თარიღები დოკუმენტში ნახსენები არაა.
„დასავლეთ ბალკანეთის გარეშე ევროკავშირი მთლიანი ვერ იქნება. ევროკავშირის წევრი ქვეყნების უდიდესი უმრავლესობა მათ ევროინტეგრაციას მხარდაჭერას უცხადებს“, - განაცხადა ევროკომისიის პრეზიდენტმა ურსულა ფონ დერ ლაიენმა.