ნატო ბრიუსელიდან რუსეთის მისიის თანამშრომელთა გაძევებას აპირებს. ამის შესახებ ინფორმაციას „ტვიტერში“ ტელეკომპანია Sky News-ის წყაროებზე დაყრდნობით ავრცელებს.

„ნატოს წევრი ქვეყნების ლიდერები შეთანხმდნენ, ბრიუსელიდან გააძევონ რუსეთის რვა დიპლომატი, ორს კი უფლებამოსილება შეუწყვიტონ“, - ნათქვამია „ტვიტში“.

ამგვარად, ალიანსის შტაბ-ბინაში რუსეთის წარმომადგენლობა ათამდე შემცირდება.

მედიის წყაროს ინფორმაციით, ნატომ რუსეთის წარმომადგენლობის შემცირება „მტრული საქმიანობის“ შესახებ ეჭვის საფუძველზე გადაწყვიტა.