შეერთებული შტატები და ჩინეთი პრეზიდენტებს, ჯო ბაიდენსა და სი ძინპინს შორის ვირტუალური შეხვედრის გამართვაზე შეთანხმდნენ.
მედიის ინფორმაციით, ამ გადაწყვეტილების შესახებ ეროვნული უსაფრთხოების საკითხებში ჯო ბაიდენის მრჩევლის, ჯეიკ სალივანისა და ჩინეთის კომუნისტური პარტიის პოლიტბიუროს წევრისა და საგარეო საქმეთა კომისიის ოფისის დირექტორის იანგ ჯიეჩის დახურულ კარს მიღმა გამართული შეხვედრის შემდეგ გახდა ცნობილი.
ჯეიკ სალივანის განცხადებით, ჯო ბაიდენისა და სი ძინპინის შეხვედრა მიმდინარე წლის ბოლომდე იგეგმება.
“დღევანდელი საუბრიდან გვაქვს პრინციპული შეთანხმება წლის ბოლომდე ვირტუალური ორმხრივი შეხვედრის გამართვის შესახებ”, - განუცხადა სალივანმა ჟურნალისტებს.
მან სხვა დეტალებზე არ ისაუბრა და აღნიშნა, რომ შეხვედრის ზუსტი დროის დადგენასა და სხვა დეტალებზე მუშაობა მიმდინარეობს.