ავთანდილ თალაკვაძე - მეორე ტურში კიდევ უფრო მეტი მხარდაჭერა გვექნება

„ქართული ოცნების“ ოზურგეთის მერობის კანდიდატის ავთანდილ თალაკვაძის განცხადებით, მეორე ტურში „ქართულ ოცნებას“ კიდევ უფრო მეტი მხარდაჭერა ექნება.

თალაკვაძის განცხადებას პარტიის პრესსამსახური ავრცელებს.

„პირველ რიგში, მადლობას გიხდით მუნიციპალური არჩევნების პირველ ტურში ძლიერი მხარდაჭერისა და აქტიურობისთვის, რის შედეგადაც, ჩვენმა პოლიტიკურმა პარტიამ „ქართულმა ოცნებამ“ ოზურგეთში 50%-ზე მაღალი მხარდაჭერა მიიღო, ახალ საკრებულოში კი მანდატების დიდი უმრავლესობა.

პირველ ტურში 15%-იანი განსხვავებით დავამარცხეთ ოზურგეთის მოქმედი მერი, რომელმაც 4 წლიანი საქმიანობის შემდეგ, იმაზე 4000 ხმით ნაკლები მიიღო, ვიდრე 2017 წელს, როცა მერად აირჩიეს. მიუხედავად ადმინისტრაციული რესურსის გამოყენებისა (თანამშრომლებთან აგიტაციის გამო იგი სასამართლომ კანონის დამრღვევად ცნო) და „ნაციონალური მოძრაობის“ რადიკალურ ფრთასთან გარიგებისა, ჩვენ მას პირველივე ტურში ვაჩვენეთ უპირატესობა (44%), რომლის გადალახვაც შეუძლებელია! მეორე ტურში გვექნება კიდევ უფრო მეტი მხარდაჭერა!“ - აღნიშნავს თალაკვაძე.

ამასთან, თალაკვაძე ამომრჩევლებს მეორე ტურზე მისვლისკენ მოუწოდებს.

„იმისათვის, რომ მერის არჩევნებშიც საბოლოოდ გავიმარჯვოთ, მინდა გთხოვოთ 30 ოქტომბერს კიდევ ერთხელ გამოხატოთ თქვენი მხარდაჭერა! ჩვენ უკვე დავიწყეთ მზადება მეორე ტურისთვის: გავაკეთეთ თითოეული უბნის მიხედვით შედეგების ანალიზი; ჩავატარეთ და წარმატებით განვაგრძობთ მნიშვნელოვან სამუშაო შეხვედრებს მხარდაჭერის გასაზრდელად; უკვე დაიწყო მომავალი თანამშრომლობის საკითხების განხილვა ახალგაზრდებთან, პროფესიულ წრეებთან და სხვადასხვა სექტორის წარმომადგენლებთან; დამატებით დროში პირადად შევხვდებით კიდევ უფრო მეტ მოქალაქეს და ვესაუბრებით ჩვენს გეგმებსა და ინიციატივებზე; პრაქტიკულად გადაწყვეტილია მომავალი მერის მოადგილის საკითხიც, სადაც ქალის კანდიდატურას განვიხილავთ; გამარჯვების შემდეგ, ასევე, ვაპირებთ მუშაობის გაგრძელებას თითოეულ პროფესიონალ საჯარო მოხელესთან, ვინც დღეს არის დასაქმებული მერიაში.

პირველი ტურის შედეგები ნათლად მიუთითებს, რომ ოზურგეთში საზოგადოებას სურს მერი შეიცვალოს და შემიძლია გითხრათ - მეორე ტურისთვის ჩვენ ნამდვილად გვექნება კიდევ უფრო მეტი თანამოქალაქის მხარდაჭერა, მუნიციპალურ არჩევნებში საბოლოო გამარჯვების მისაღწევად.

განსაკუთრებული მადლობა მსურს გადავუხადო თანაგუნდელებს და საარჩევნო შტაბის წევრებს! ერთად გავიმარჯვებთ!“ - აღნიშნავს თალაკვაძე.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა