ესპანეთში ლა-პალმას კუნძულზე ვულკანის გააქტიურების გამო აეროპორტი დაიხურა. Reuters-ის ინფორმაციით, ვულკანის კრატერიდან ამოსული ფერფლი კუნძულის ტერიტორიაზე გავრცელდა, რამაც მოსახლეობას გადაადგილების პრობლემები შეუქმნა. გამოცემის ცნობით, ლა-პალმას გარდა ჩვეულ რეჟიმში განაგრძობენ მუშაობას კანარის კუნძულების სხვა აეროპორტები.

შეგახსენებთ, კანარის კუნძულებზე, კუნძულ ლა-პალმაზე, ვულკან კუმბრე-ვეხას ამოფრქვევა 19 სექტემბერს დაიწყო. ლავამ ასობით სახლი, სკოლა და სხვა შენობები და ბანანის პლანტაციები გაანადგურა. ესპანეთის ხელისუფლებამ ლა პალმა კატასტროფის ზონად გამოაცხადა.