უკრაინის პრემიერ - მინისტრი დენის შმიგალი უკრაინაში საქართველოს პარლამენტის თავმჯდომარის კახა კუჭავას ვიზიტს „ტვიტერის“ პირად გვერდზე ეხმაურება და მადლობას უხდის.
შმიგალი ასევე აღნიშნავს, რომ ორ ქვეყანას შორის სავაჭრო ბრუნვა, დაახლოებით, 30 %-ით გაიზარდა, რაც ორ ქვეყანას შორის მეგობრულ ურთიერთობას ადასტურებს.
„უკრაინასა და საქართველოს შორის სავაჭრო ბრუნვა, 2021 წლის პირველ ნახევარში, დაახლოებით, 30 %-ით გაიზარდა. ეს აშკარა დასტურია ჩვენ ქვეყნებს შორის მეგობრული ურთიერთობისა. მადლობელი ვარ საქართველოს პარლამენტის თავმჯდომარის კახა კუჭავასი უკრაინაში ვიზიტისთვის.
დარწმუნებული ვარ, ჩვენი სტრატეგიული თანამშრომლობა მომავალში მხოლოდ და მხოლოდ აქტიურად განვითარდება“ , - წერს დენის შმიგალი.