აშშ იმ საერთაშორისო ვიზიტორებს მიიღებს, რომლებიც ჯანმო-ს მიერ დამტკიცებული ვაქცინებით არიან აცრილები

შეერთებული შტატები მიიღებს იმ საერთაშორისო ვიზიტორებს, რომლებიც ჯანდაცვის მსოფლიო ორგანიზაციის მიერ ავტორიზებული კორონავირუსის საწინააღმდეგო ვაქცინებით არიან აცრილები, - Reuters-ის ინფორმაციით, ამის შესახებ აშშ-ის დაავადებათა კონტროლისა და პრევენციის ცენტრის განცხადებაშია აღნიშნული.

„ექვსი ვაქცინა, რომელიც სურსათისა და მედიკამენტების სააგენტოს მიერ არის ნებადართული/დამტკიცებული ან ჯანმო-ს მიერ გადაუდებელი მიზნით გამოყენებისთვის ავტორიზებული ვაქცინების სიაშია შეტანილი, დააკმაყოფილებს აშშ – ში გამგზავრების კრიტერიუმებს“, - აცხადებენ დაავადებათა კონტროლისა და პრევენციის ცენტრში.

20 სექტემბერს, თეთრმა სახლმა განაცხადა, რომ ნოემბრიდან შეერთებული შტატები 33 ქვეყნიდან - 26 ე.წ. შენგენის ზონის ქვეყნიდან, ასევე ბრიტანეთიდან, ირლანდიიდან, ჩინეთიდან, ინდოეთიდან, სამხრეთ აფრიკიდან, ირანიდან და ბრაზილიიდან ჩასული სრულად ვაქცინირებული ავიამგზავრებისთვის შეზღუდვებს ხსნის, თუმცა არ დაუკონკრეტებია, რომელი ვაქცინა იქნებოდა მისაღები.

Reuters-ის ინფორმაციით, კორონავირუსის საწინააღმდეგო ვაქცინასთან დაკავშირებული ახალი მოთხოვნები ვრცელდება თითქმის ყველა უცხოელ მოქალაქეზე, რომლებიც მიემგზავრებიან შეერთებულ შტატებში, მათ შორის მათზეც, რომლებსაც წინა შეზღუდვები არ ეხებოდათ.

ცნობისათვის, ჯანდაცვის მსოფლიო ორგანიზაციას ამ დრომდე შემდეგი ვაქცინები აქვს დამტკიცებული : „ფაიზერ“/ „ბიონტექი“, „ოქსფორდ“/“ასტრაზენეკა“, „მოდერნა“, „ჯონსონ & ჯონსონი“, „სინოფარმი“ და „სინოვაკი“.

დავით სიხარულიძე - ქართულ-ამერიკული თანამშრომლობა ყოველთვის იყო დაფუძნებული ორ ქვეყანას შორის სტრატეგიულ თანამშრომლობაზე, აშშ-ს მდივნის ვიზიტიც ამის მკაფიო დემონსტრირება გახლდათ
ქართული პრესის მიმოხილვა 18.10.2021
იოსებ ბარათაშვილი - სააკაშვილის პატიმრობაში ყოფნა საქართველოს  ხელისუფლებას საკმაოდ  რთული პრობლემის წინაშე აყენებს
კახა ოქრიაშვილი „ქართული ოცნების“ საარჩევნო კლიპთან დაკავშირებით განცხადებას ავრცელებს
„დაჭრილ მებრძოლთა მხარდაჭერის ფონდი“ ვეტერანებს ვეტერანის დღეს ულოცავს