აბოლჰასან ბანისადრი, ირანის პირველი არჩეული პრეზიდენტი ქვეყნის 1979 წლის ისლამური რევოლუციის შემდეგ, 88 წლის ასაკში გარდაიცვალა.
მედიის ინფორმაციით, აბოლჰასან ბანისადრი პარიზის ერთ-ერთ საავადმყოფოში ხანგრძლივი ავადმყოფობის შემდეგ გარდაიცვალა.
აბოლჰასან ბანისადრი ირანის პრეზიდენტად 1980 წელს აირჩიეს, თუმცა პარლამენტმა ის 1981 წელს გადააყენა ქვეყნის მაშინდელ უზენაეს ლიდერთან, აიათოლა რუჰოლა ხომეინთან დაპირისპირების გამო.
აბოლჰასან ბანისადრმა ქვეყანა დატოვა და საფრანგეთს შეაფარა თავი, სადაც დარჩენილი სიცოცხლე გაატარა.