აზერბაიჯანის არმიის სნაიპერმა არცახში (მთიანი ყარაბაღი) სამოქალაქო პირი მოკლა, - სომხური მედიის ინფორმაციით, ამის შესახებ არაღიარებული მთიანი ყარაბაღის საგანგებო სიტუაციების სახელმწიფო სამსახურის პრესსპიკერმა უნან ტადევოსიანმა განაცხადა.

მისი თქმით, დღეს მარტაკერტის პოლიციის რეგიონალურმა სამმართველომ განაცხადა, რომ მარტაკერტის მკვიდრი, 1966 წელს დაბადებული არამ ტეპნანცი, ქალაქის მახლობლად მდებარე ბაღში მუშაობისას სნაიპერის მიერ ნასროლი ტყვიით სასიკვდილოდ დაიჭრა და დაიღუპა.

სომხური მედიის ინფორმაციით, ადგილზე გამომძიებლები მუშაობენ.