ერაყში ვადამდელი არჩევნები მიმდინარეობს
ერაყში ვადამდელი არჩევნები მიმდინარეობს. "ალ-ჯაზირას" ინფორმაციით, უბნები დილის 07:00 საათზე გაიხსნა. საარჩევნო უბნები საღამოს 6:00 საათზე დაიხურება, ხოლო წინასწარი შედეგები დახურვიდან 24 საათის განმავლობაში გამოცხადდება.
ქვეყნის პარლამენტში მოსახვედრად 167 პარტია იბრძვის.
მედიის ინფორმაციით, მთავრობისადმი უნდობლობის მაღალი მაჩვენებლისა და კრიზისის გამო, არჩევნებზე დაბალი აქტივობაა მოსალოდნელი.
საკუთარი არჩევანი გააკეთა ერაყის პრემიერ- მინისტრმა. მუსტაფა ალ-კადიმმა ხმა მისცა ბაღდათის ე.წ. მწვანე ზონაში.
”ეს არის ცვლილების შესაძლებლობა”, - აღნიშნა მან.
ერაყში არჩევნების გამო უსაფრთხოების ზომები გამკაცრებულია. დაკეტილია აეროპორტი.
არჩევნებს მონიტორინგს უწევენ ევროკავშირისა და გაერთიანებული ერების ორგანიზაციის დამკვირვებლები.
v-if="article.gallery" v-html="article.gallery"
25.07.2025 / 21:51
-155 წუთის წინ
25.07.2025 / 19:21
-5 წუთის წინ
24.07.2025 / 09:02
