ჩინეთის ჩრდილოეთ ნაწილში, შანსის პროვინციაში წყალდიდობამ 1.76 მილიონზე მეტი ადამიანი დააზარალა, - ინფორმაციას BBC-ი ავრცელებს.
გამოცემის ცნობით, ძლიერმა წვიმამ პროვინციის 70 -ზე მეტ რაიონსა და ქალაქში სახლების დანგრევა და მეწყერი გამოიწვია.
სამაშველო სამუშაოებს გადაუღებელი წვიმა და ქარიშხალი აფერხებს.
გავრცელებული ინფორმაციით, მეწყერის შედეგად ოთხი პოლიციელი დაიღუპა.
ჩინეთის მთავრობა იძულებული გახდა შანსის პროვინციაში, სადაც მნიშვნელოვანი რაოდენობის ქვანახშირს აწარმოებენ, მაღაროებისა და ქარხნების მუშაობა დროებით შეეჩერებინა.