სომხეთში, ბოლო 24 საათის განმავლობაში კორონავირუსის 601 ახალი შემთხვევა გამოვლინდა.

ინფორმაციას სომხური მედია ქვეყნის დაავადებათა კონტროლისა და პროფილაქტიკის ეროვნულ ცენტრზე დაყრდნობით ავრცელებს.

მათივე ცნობით, ქვეყანაში ვირუსს კიდევ 26 ადამიანი ემსხვერპლა და დაღუპულთა საერთო რაოდენობა 5 575-მდე გაიზარდა.

პანდემიის დაწყების დღიდან, საერთო ჯამში, სომხეთში 272 957 პირი დაინფიცირდა, 249 158 კი - ვირუსისგან გამოჯანმრთელდა.

ოფიციალური მონაცემებით, სომხეთში კორონავირუსის საწინააღმდეგო ვაქცინების 514 241 დოზაა გამოყენებული. პირველი დოზა 344 029 ადამიანს აქვს გაკეთებული, სრულად ვაქცინირებული კი 170 212 მოქალაქეა.