ერაყის ხელისუფლების განცხადებით, ე.წ. „ისლამური სახელმწიფოს“ მაღალი რანგის ფიგურა, სამი ჯასიმი დააკავეს, რომელიც ორგანიზაციის ლიკვიდირებული ლიდერის, აბუ ბაქრ ალ-ბაღდადის მოადგილე იყო.
”სანამ ჩვენი უსაფრთხოების ძალების გმირები ორიენტირებულნი იყვნენ არჩევნების ჩატარების უზრუნველყოფაზე, მათი კოლეგები ერაყის ეროვნული სადაზვერვო სამსახურებიდან ახორციელებდნენ კომპლექსურ საერთაშორისო ოპერაციას სამი ჯასიმის დასაკავებლად,“- განაცხადა ერაყის პრემიერ-მინისტრმა მუსტაფა ალ-კადიმიმ.
ჯასიმი „ისლამური სახელმწიფოს“ ფინანსებთან დაკავშირებულ საკითხებს კურირებდა. აშშ-ის მთავრობას მის შესახებ ინფორმაციის მიწოდების სანაცვლოდ ფულადი ჯილდო აქვს დაწესებული.