სკეპტიკურად შევხედავ, რომ ოპოზიცია 14 ოქტომბერს გრანდიოზული მასშტაბის აქციის მოწყობას შეძლებს, - ამის შესახებ ჟურნალისტებს „ქართული ოცნების" დეპუტატმა მიხეილ სარჯველაძემ განუცხადა.
სარჯველაძის თქმით, საქართველოში აქციის გამართვის უფლება აქვს ყველას, მაგრამ აქციის ორგანიზატორთა მიმართ სვამს კითხვას, თუ რა არის მათი მოთხოვნა და პროტესტის მიზანი.
„ყველაფერს თავად საზოგადოება ძალიან კარგად აფასებს. როცა პროტესტს შეიძლება საფუძველი ჰქონდეს, საზოგადოება მის მიმართ სენსიტიურია", - აღნიშნა მიხეილ სარჯველაძემ.
პარტია „ნაციონალური მოძრაობა“ მიხეილ სააკაშვილის გათავისუფლების მოთხოვნით, 14 ოქტომბერს, თბილისში აქციას გამართავს.