ავსტრიის კანცლერის თანამდებობაზე სებასტიან კურცს ქვეყნის საგარეო საქმეთა მინისტრი ალექსანდრ შალენბერგი ჩაანაცვლებს.
მედიის ინფორმაციით, შალენბერგი ავსტრიის პრეზიდენტის ალექსანდრ ვან დერ ბელენის წინაშე ფიცს დღეს დადებს.
ავსტრიის კანცლერმა სებასტიან კურცმა თანამდებობიდან გადადგომის შესახებ შაბათს განაცხადა, რისი მიზეზიც შესაძლო კორუფციის ფაქტთან დაკავშირებით პროკურატურის მიერ მის წინააღმდეგ დაწყებული გამოძიება გახდა. სებასტიან კურცი ქვეყნის პარლამენტში „ავსტრიის სახალხო პარტიის“ ფრაქციას უხელმძღვანელებს.