ირაკლი ხმალაძე - ახლა 62 ავარიული შენობის გამაგრება მიდის - ყველაზე ავარიული რაიონი ვარკეთილის მესამე მასივია, სადაც ე.წ. "ხრუშოვკები" დგას

ბოლო 4 წლის განმავლობაში, 365 ავარიული შენობა გავამაგრეთ, ახლა მიდის დამატებით 62 შენობის გამაგრება, - ამის შესახებ თბილისის ვიცე-მერმა, ირაკლი ხმალაძემ „პალიტრანიუსის“ გადაცემაში „360 გრადუსი“ განაცხადა.

როგორც ვიცე-მერმა აღნიშნა, ავარიული შენობის გამაგრება დროებითია, რადგან, მისი თქმით, ის 5-6 წელიწადში ისევ საფრთხის შემცველია ამ შენობაში მცხოვრები ადამიანებისთვის.

ხმალაძის განმარტებითვე, მერიის მხრიდან ახალი პროგრამა შემუშავდა, რომელიც ავარიული შენობების სრულ დემონტაჟსა და მათი ახლით ჩანაცვლებას ითვალისწინებს.

ირაკლი ხმალაძის განცხადებით, დღეს ყველაზე მეტი ავარიული შენობა ვარკეთილის მესამე მასივში დგას. თბილისში კი დაახლოებით 10 000 ავარიული შენობა დგას.

„ზოგადად, ჩვენთვის ავარიული შენობების პრობლემა პირველად არ დადგა დღის წესრიგში. ამ თემაზე მერიაში, რომ მოვედით, მაშინვე დავიწყეთ მუშაობა. ერთ-ერთი იყო სამშენებლო უსაფრთხოების მიმართულებით, მთელი რიგი კანონმდებლობა გადაიხედა. ავარიული შენობები ამ ხარისხს იძენს ან ვადის გასვლის გამო, ან ავარიული მიშენებების გამო - ეს მავნე პრაქტიკა უკვე ათეული წლებია ქვეყანაში გვაქვს, სამწუხაროდ, ეს არის რეალობა და გამოწვევა.

ბოლო 4 წლის განმავლობაში 365 ავარიული შენობა გავამაგრეთ. ახლა, ამ მომენტში მიდის დამატებით 62 შენობის გამაგრება. ავარიული შენობის გამაგრება ეს არის დროებითი გადაწყვეტა, ის 5-6 წელიწადში ისევ იძენს ავარიულობის გარკვეულ ხარისხს და ისევ საფრთხის წინაშე აყენებს იქ მცხოვრებ ადამიანებს.

პირველი პროგრამა, რომელიც წარვადგინეთ, იყო ავარიული შენობების ჩანაცვლების პროგრამა. კახას გუნდმა შეიმუშავა ახალი პროგრამა, რომელიც ითვალისწინებს ავარიული შენობების სრულად დემონტაჟს და მათ ნაცვლად ახლის მშენებლობას.

ერთ-ერთი ყველაზე ავარიული რაიონი არის ვარკეთილის მესამე მასივი, სადაც დგას 4 - ხუთსართულიანი ე.წ. "ხრუშოვკები" და მათი ჩანაცვლების ეკონომიკური დაგეგმარების კონცეფცია დაამტკიცა მუნიციპალიტეტმა და ორი კომპანია უკვე მუშაობს ჩანაცვლების პროგრამაზე.

თბილისის მუნიციპალიტეტს ჰყავს 10 რაიონული გამგეობა და მათი თანამშრომლები არიან საკმაოდ მჭიდრო კომუნიკაციაში ჩვენს მოსახლეობასთან, ძალიან კარგად იციან თითოეულ საცხოვრებელ კორპუსს, უბანს თუ ქუჩას რა უჭირს, თუ ამის საჭიროება არის, ვატარებთ დროულად ექსპერტიზას, მოსახლეობას ვაფრთხილებთ და ვაწარმოებთ სარეაბილიტაციო გამაგრებით სამუშაოებს“, - განაცხადა ირაკლი ხმალაძემ.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა